अखबार नेपाल ट्रेन्डिङ

काठमाडौं: नेपाल राष्ट्र बैंकले लघुवित्तलाई दबाबमूलक मर्जरमा लैजाने भएको छ ।

‘घ’ वर्गका वित्तीय संस्था अर्थात् लघुवित्तमा कुनै बैंक तथा वित्तीय संस्थाहरूमा कुनै वाणिज्य बैंक, विकास बैंक वा वित्त कम्पनीको ५१ प्रतिशत सेयर लगानी रहेको छ भने त्यस्ता संस्थालाई सम्बन्धित वित्तीय संस्थाले नै गाभ्ने वा प्राप्ति गर्नुपर्ने व्यवस्था गरेको छ ।

कतिपय बैंक तथा वित्तीय संस्थाहरूले आफ्नो लघुवित्त समेत खोलेर कारोबार गर्दै आइरहेका थिए ।

यो व्यवस्थाले लघुवित्तलाई पनि बैंक, विकास बैंक वा वित्त कम्पनी मै गाभ्नुपर्ने भएको छ ।

यसका अतिरिक्त वाणिज्य बैंक, विकास बैंक वा वित्त कम्पनीको १० प्रतिशतभन्दा बढी सेयर स्वामित्व भएका लघुवित्त संस्थाहरू आपसमा गाभिनुपर्ने भएको छ ।

केन्द्रीय बैंकले यसअघि क्रस होल्डिङ रहेका वाणिज्य बैंक, विकास बैंक र वित्त कम्पनीहरूलाई मर्जर तथा प्राप्तिमा जान बाध्य गरेको थियो ।