अखबार नेपाल ट्रेन्डिङ

काठमाडौं: अख्तियार दुरुपयोग अनुसन्धान आयोगले काठमाडौं महानगरपालिकाका निर्देशकसहित पाँच जना विरुद्ध  भ्रष्टाचार मुद्दा दायर भएको छ ।

आयोगले काठमाडौं महानगरपालिकाका निर्देशकसहित पाँच जना विरुद्ध विशेष अदालत काठमाडौंमा भ्रष्टाचार मुद्दा दायर गरेको हो ।

गलत लिखत तयार गरी निर्माण व्यवसायी छनोट गरेको आरोपमा महानगरका निर्देशक भैरवबहादुर बोगटी, खरिद इकाई प्रमुख बखतबहादुर साउद, उपनिर्देशकद्वय सुमन अधिकारी, वीरबहादुर खड्का र इन्जिनियर उमेशकुमार बुढाथोकीविरुद्ध मुद्दा दायर गरेको अख्तियारले जनाएको छ ।

टेकुस्थित भवन निर्माण गर्न ठेक्का नम्बर ३३१८५–०७७–०७८–को लागि बोलपत्र आह्वानबमोजिम विद्युतीय बोलपत्र प्रक्रियाबाट प्राप्त बोलपत्रहरू मूल्याङ्कन प्रतिवेदनमा गलत लिखत तयारी गरी निर्माण व्यवसायी छनोट गरेको उनीहरूमाथि आरोप छ ।