अखबार नेपाल ट्रेन्डिङ

काठमाडौं: नेप्से आज पनि सामान्य अंकले बढेको छ ।

नेपाल स्टक एक्सचेञ्‍जका अनुसार आज नेप्से ४.०६ अंकले बढेर ३०८५.०७ विन्दुमा उक्लिएको हो ।

आज कारोबार रकम भने घटेको छ । आज कूल १० अर्ब ९८ करोड ३५ लाख ९९ हजार रुपैयाँ बराबरको कारोबार भएको नेप्सेले जनाएको छ ।

कूल २ सय २६ वटा कम्पनीका दुई करोड १८ लाख ९४ हजार २ सय ९ कित्ता सेयर १ लाख ५ हजार ५ सय ७९ पटक खरिद-बिक्री भएको थियो ।

आज ठूला कम्पनीको सेयर कारोबार मापन गर्ने सेन्सेटिभ परिसूचक पनि ०.३० अंकले बढेर ५७२.४६ विन्दुमा उक्लिएको छ ।

आज घलेम्दी हाइड्रो लिमिटेडको सेयर कारोबारमा सकारात्मक सर्किट लागेको थियो । गुराँस लघुवित्त वित्तीय संस्थाका लगानीकर्ताले प्रतिकित्ता ९.९८ प्रतिशत, फर्स्ट माइक्रोफाइनान्स डेभलपमेण्ट बैंक ९.०९ प्रतिशत र युनिभर्सल पावर कम्पनी लिमिटेडका लगानीकर्ताले प्रतिकित्ता नौ प्रतिशतका दरले कमाएका छन् ।

नेपाल हाइड्रो डेभलपर्सका लगानीकर्ताले सबैभन्दा धेरै प्रतिकित्ता ५.३३ प्रतिशतका दरले गुमाएका छन् ।

अरुण काबेली पावर लिमिटेडको सेयर सबैभन्दा धेरै ३७ करोड ७५ लाख ४७ हजार रुपैयाँ बराबरको कारोबार भएको छ ।

संख्यात्मक आधारमा एनआईसी एसिया ब्यालेन्स फण्ड सबैभन्दा धेरै ११ लाख ८९ हजार १ सय ९० कित्ता र युनिभर्सल पावर कम्पनीका सेयर सबैभन्दा धेरै तीन हजार १ सय ४९ पटक किनबेच भएका थिए ।

युनियन लाइफको शेयर कारोबार सुचारु मनकामना स्मार्टको कारोबार हुन सकेन
शंकर समुहले रियलमीलाई अधिकृत नेपाल बिक्रेताका रुपमा भित्र्यायो
महालक्ष्मी विकास बैंकले सिद्धार्थनगर सिटी हस्पिटल प्रालिसँग सम्झौता