काठमाडौं:  सिद्धार्थ बैंक र ललितपुर जावलाखेलस्थित सम्यक डायग्नोस्टिकबीच सम्झौता भएको छ । बैंकका ग्राहकहरुलाई विभिन्न सेवामा छुट प्रदान गर्ने सम्बन्धी सम्झौता भएको हो ।

उक्त सम्झौता अनुसार बैंकका ग्राहकहरुले जावलाखेल, बानेश्वर र भक्तपुरमा रहेको सम्यक डायग्नोस्टिकमा डेबिट, क्रेडिट तथा प्रिपेड कार्ड, मोबाईल बैंकिङ्, इन्टरनेट बैंकिङ् प्रयोग बापत ईन हाउस प्याथोलोजि सेवामा १५ प्रतिशत‍ छुट प्राप्त गर्न सक्नेछन् ।

यस सुविधाले ग्राहकहरुलाई छुटको सुविधा उपलब्ध हुनुका साथै नगद कारोबारबाट डिजिटल कारोबारमा जान उत्प्रेरित गर्ने विश्वास सिद्धार्थ बैंकले लिएको छ ।

ग्राहकहरुलाई डिजिटल माध्यमबाट भुक्तानी गर्न साथै डेबिट, क्रेडिट तथा प्रिपेड कार्ड, मोबाईल बैंकिङ्, इन्टरनेट बैंकिङ् लगायतका डिजिटल बैंकिङ् माध्यमहरुको प्रयोगलाई बढाउन र प्रोत्साहन गर्न बैंकले विभिन्न समयमा ग्राहकमैत्री सुविधाहरु तथा क्यासब्याक योजनाहरु सञ्चालनमा ल्याउँदै आएको छ ।

यो पनि पढ्नुहोस् :

नेशनल माइक्रोफाइनान्स लघुवित्तको साधारण सभा सम्पन्न