अखबार नेपाल ट्रेन्डिङ

काठमाडौं: यहि चैत २५ गते हुने नेपाल पत्रकार महासंघको निर्वाचनको चुनावी प्रकृया आईतबारदेखि शुरु हुँदैछ ।

तालिका अनुसार आईतबार मतदाता नामावली प्रकाशन गरिँदैछ ।

आईतबार बेलुकीसम्ममा मतदाता नामावली प्रकाशन गरिने केन्द्रीय निर्वाचन समितिले जनाएको छ ।

हरेक निर्वाचनमा झैं यो पटक पनि महासंघमा सदस्यताको विवाद कायम रहेको छ ।

गैर पत्रकारलाई सदस्यता वितरण गरिएको लायतका विषयमा विवाद आएपछि पत्रकार संघ संगठनहरुको आन्तरिक छलफल चलिरहेको छ ।

महासंघको संशोधित विधान अनुसार यसपटक जिल्ला, प्रदेश र केन्द्रको एकैदिन चुनाव हुदैछ ।

सबै साधारण सदस्यले जिल्ला, प्रदेश र केन्द्रका सबै पदाधिकारी एवं सदस्यका लागि मतदान गर्न पाउने छन् ।

मतदान आफू सदस्य रहेको शाखामै गर्न पाइनेछ ।

आईतबार मतदाताको मतदाता नामावली प्रकाशन गरेपछि त्यस उपर दाबी विरोध सोमबार दिउँसो साढे १२ बजेदेखि चैत १० गते दिउँसो साढे १२ बजेसम्म गर्न पाउने तालिका छ ।

यस्तै मतदाताको अन्तिम नामावली भने चैत ११ गते दिउँसो ४ बजे प्रकाशन गरिने छ ।

आजबाट देशभर रंगहरूको पर्व होलीको विधिवत रुपमा सुरुवात