अखबार नेपाल ट्रेन्डिङ

काठमाडौं:  कुमारी बैंकले मंसिर २९ गते २० औं वार्षिक साधारण सभा सम्पन्न गरी १० दशमलव ८५ प्रतिशत बोनस शेयर र कर समेत गरी ३ दशमलव १५ प्रतिशत नगद लाभांश प्रस्ताव पारित गरेको छ । कुमारी बैंकको १४ प्रतिशत लाभांश पारित भएको हो ।

साधारण सभा प्रयोजनका लागि बैंकले मंसिर १५ गते एक दिन बुक क्लोज गरेको छ । बुक क्लोजको आधारमा मंसिर १४ गतेसम्म कायम शेयरधनीहरुले मात्र लाभांश प्राप्त गर्नेछन् । सभाले बैंकले अन्य कुनै बैंक तथा वित्तीय संस्थाहरुसँग मर्जर तथा प्राप्ती गर्नका लागि आवश्यक सम्पूर्ण प्रकृया पुरा गर्न सञ्चालन समितिलाई अख्तियारी समेत प्रदान गरेको छ ।

कुमारी बैंकको हाल चुक्तापूँजी  १२ अर्ब ५२ करोड ४९ हजार रुपैयाँ रहेको छ । १० दशमलव ८५ प्रतिशत बोनस शेयर पश्चात यो पूँजी  १३ अर्ब ८७ करोड ८४ लाख ७४ हजार रुपैयाँ पुग्नेछ । बैंकले चालू आवको  पहिलो त्रैमासमा  ६० करोड २५ लाख ४३ हजार रुपैयाँ नाफा कमाएको छ । यो नाफा गत आवको पहिलो त्रैमासमा  ४० करोड १९ लाख ८८ हजार रुपैयाँ थियो ।

यस वर्ष कुमारी बैंकको खुद ब्याज आम्दानी र सञ्चालन नाफा बढेसँगै नाफामा वृद्धि भएको हो । गत वर्ष  ५६ करोड ६२ लाख ९४ हजार रुपैयाँ सञ्चालन नाफा गरेको यस बैंकले यो वर्ष  ८६ करोड ५ लाख रुपैयाँ सञ्चालन नाफा गरेको छ । चालू आवको पहिलो त्रैमाससम्म बैंकको वितरणयोग्य नाफा २५ करोड ९१ लाख रुपैयाँ रहेको छ ।

बैंकको जगेडा कोषमा ३ अर्ब ५९ करोड ४३ लाख ३८ हजार रुपैयाँ र रिटेन्ड अर्निङमा १ अर्ब ६७ करोड ४ लाख २४ हजार रुपैयाँ छ । चालू आवको पहिलो त्रैमाससम्ममा बैंकले १ खर्ब १७ अर्ब २ करोड रुपैयाँ निक्षेप संकलन गरेर १ खर्ब १० अर्ब  ३२ करोड रुपैयाँ कर्जा प्रवाह गरेको छ । बैंकको प्रतिशेयर आम्दानी १९ दशमलव २५ रुपैयाँ र प्रतिशेयर नेटवर्थ  १४२ दशमलव शून्य ५ रुपैयाँ रहेको छ ।

यो पनि पढ्नुहोस् :

https://www.akhabarnepal.com/%e0%a4%8f%e0%a4%a8%e0%a4%86%e0%a4%88%e0%a4%b8%e0%a5%80-%e0%a4%8f%e0%a4%b6%e0%a4%bf%e0%a4%af%e0%a4%be-%e0%a4%ac%e0%a5%88%e0%a4%82%e0%a4%95-%e0%a4%b0-%e0%a4%8f%e0%a4%a8%e0%a4%b8%e0%a5%80%e0%a4%8f/