अखबार नेपाल ट्रेन्डिङ

काठमाडौं:  नेपाल इन्फ्रास्ट्रक्चर बैंकको वार्षिक साधारणसभाले ८ अर्ब रुपैयाँ बराबरको प्राथमिक शेयर (आइपिओ) निष्कासन गर्ने अनुमति दिएको छ  । नेपालको अहिलेसम्मकै ठूलो प्राथमिक शेयर (आइपिओ) आउने भएको छ ।

यो आर्थिक वर्षभित्र नेपालकै एकमात्र पूर्वाधार विकास बैंकको रुपमा स्थापना भएको नेपाल इन्फ्रास्ट्रक्चर बैंकको उक्त प्रस्ताव पारित भएसँगै नेपालमा हालसम्म निष्कासन भएका आइपिओमध्ये सबैभन्दा ठूलो आईपीओ हुने छ ।

नेपाल राष्ट्र बैंकबाट गत माघ २८ गते इजाजत पाएको यो बैंक पूर्वाधार विकासका आयोजनामा लगानी गर्ने उद्देश्य लिएर स्थापना भएको हो । यस बैंकले अहिलेसम्म ८ अर्ब ८५ करोड बराबरको कर्जा लगानी गरेको छ ।

४० अर्ब रुपैयाँ अधिकृतपूँजी र २० अर्ब रुपैयाँ जारी पूँजी रहेको यस बैंकमा नेपाल सरकारको १० प्रतिशत, पब्लिक लिमीटेड कम्पनीहरुको करिब ४० प्रतिशत, निजी लगानीकर्ताहरुको करिब १० र बाँकी ४० प्रतिशत शेयर  सर्वसाधारणका लागि छुट्याइएको छ ।

बैंकले सर्वसधारणबाट उठाउन पर्ने  ८ अर्ब बराबरकै आइपीओ जारी गरी सर्वसाधारणलाई समेत यो बैंकमा लगानीकर्ताको रुपमा भित्र्याउने बैंकको योजना अनुसार आईपीओ जारी गर्न लागेको हो  ।

सार्वजनिक तथा निजी साझेदारीमा स्थापना भएको यस बैंकले अन्तर्राष्ट्रिय, सार्वजनिक तथा निजी क्षेत्रहरुसँग सहकार्य गरी नेपालको पूर्वाधार निर्माण कार्यलाई तीव्रता दिन यस बैंकको ऋणदाताको रुपमा काम गर्ने उद्देश्य रहेको छ ।

यो पनि पढ्नुहोस् : https://www.akhabarnepal.com/2020/11/19273/