अखबार नेपाल ट्रेन्डिङ

काठमाडौं: खाद्य व्यवस्था तथा व्यापार कम्पनी लिमिटेडले आजदेखि खशीबोका बिक्री गर्ने भएको छ ।

थापाथलीमा रहेको प्रादेशिक कार्यालय परिसरबाट खशीबोका बिक्री वितरणको तयारी भइरहेको कम्पनीले जनाएको छ ।

दाङ र मकवानपुरबाट काठमाडौं उपत्यका ल्याएर बजार मूल्य विश्लेषण गरी प्रतिकिलो ५ सय ६० रुपैयाँ निर्धारण गरेको कम्पनीले जनाएको छ ।

पहिलो चरणमा दाङबाट दुई सय र मकवानपुरबाट २ सय ५ गरी ४ सय ५ वटा खशी बोका काठमाडौं ल्याइएको छ । यसपालि एक हजार खशीबोका बिक्री गर्ने तयारी छ ।

हरेक वर्ष दशैंमा सरकारले खशीबोका तथा च्याङ्ग्रा बिक्री गर्दै आएको छ ।