अखबार नेपाल ट्रेन्डिङ

काठमाडौं:  एनएमबि बैंकले भिजन लुम्बिनी उर्जा प्रवद्र्धन कम्पनीद्वारा प्रर्वद्धित २५ मेघावाटको सेती नदी जलविद्युत आयोजनाको मुख्य लगानीकर्ता भई वित्तीय व्यवस्थापन गर्ने सम्झौता भएको छ । एनएमबि बैंकले आयोजनाका लागि २ अर्ब २० करोड ऋण लगानी गर्ने भएको छ ।

उक्त सम्झौतापत्रमा एनएमबि बैंकका प्रमुख कार्यकारी अधिकृत सुनिल केसी र भिजन लुम्बिनी कम्पनीका कार्यकारी अध्यक्ष जगतबहादुर पोखरेलले हस्ताक्षर गर्नु भएको छ । सेती नदी जलविद्युत आयोजनामा एनएमबि बैंकको नेतृत्वमा कर्मचारी सञ्चय कोष र कृषि विकास बैंकले ऋण लगानी गर्न लागेको हो ।

सेती नदी जलविद्युत आयोजना करिब ५ अर्ब रुपैयाँको लागतमा निर्माण हुन लागेको हो । त्यसमध्ये एनएमबि बैँक मार्फत २ अर्ब २० करोड, कर्मचारी सञ्चय कोष मार्फत ८० करोड र कृषि विकास बैंक मार्फत ५० करोड गरि जम्मा ३ अर्ब ५० करोड ऋण लगानी गर्ने भएको छ ।

आयोजनाकालागि काठमाण्डौ, पोखरा, चितवन, तनहुँ, विशेष रुपमा बुटवलवासी र माछापुच्छ्रे गाँउपलिकाका स्थानीयहरु समेत शेयरधनी भई प्रबर्दकहरुको तर्फवाट ३० प्रतिशतले हुन आउने १ अर्ब ५० करोड रकम लगानी हुने बताएको छ ।