अखबार नेपाल ट्रेन्डिङ

काठमाडौं:  राष्ट्रिय वाणिज्य बैंकले आउदो दशैं एवं तिहार लगायतको पर्वलाई मध्यनजर गर्दै कार्तिक १ गतेबाट आफ्ना सम्पूर्ण शाखाहरु मार्फत पोइन्ट अफ सेल (पीओएस)को माध्यमवाट भुक्तानी सेवा शुरु गरेको छ । बैंकले विद्युतीय माध्यमवाट भुक्तानीको व्यवस्थालाई व्यापक तथा प्रभावकारी बनाउने प्रयोजनले सेवा शुरु गरेको हो ।

अब देशभर रहेको विभिन्न व्यवसायहरुमा राष्ट्रिय वाणिज्य बैंकको सम्पूर्ण शाखाहरु मार्फत बैंककै पीओएसको माध्यमबाट रकम भुक्तानि गर्दा कारोबारमा अधिकतम १५ प्रतिशत वा एक हजार रुपैंया क्यासब्याक हुने भएको छ ।

विश्व व्यापीरुपमा फैलिएको कोरोना भाईरस माहामारीवाट टाढा रहनको लागि समेत विद्युतीय भुक्तानी प्रणाली सहयोगी हुन सक्ने र यस प्रकारको प्रणालीबाट ग्राहकवर्ग, बैकको सेवाग्राहीहरु तथा समग्र समाजलाई अधिकतम फाईदा पुग्ने बैंकले विश्वास लिएको छ । बैंकको हाल सातै प्रदेश ७७ जिल्लामा २४१ वटा शाखा कार्यालय, २०५ वटा एटिएम र ९३ वटा शाखा रहित बैंकिङ् सेवा संचालनमा रहेको छ ।