अखबार नेपाल ट्रेन्डिङ

काठमाडौं: नेपाल राष्ट्र बैंकले चालु आर्थिक वर्षको पूस मसान्त सम्म डिजिटल वालेट मार्फत हुने कारोबारमा शुल्क नलिन सबै सेवा प्रदायक कम्पनीलाई परिपत्र जारी गर्दै निर्देशन दिएको छ ।

कोरोना महामारिको असहज अवस्थालाई मध्यनजर गर्दै अनलाइन भुक्तानीमा पुस मसान्तसम्म कुनै पनि सेवा शुल्क नलिन राष्ट्र बैंकले निर्देशन दिएको हो ।

बैंकले राजस्व व्यावस्थापन सूचना प्रणालीमा आबद्ध भएका भुक्तानी सेवा प्रदायकले सञ्चालन गरेका वालेटमार्फत गरिने राजस्व भुक्तानी सम्बन्धि कारोबारमा पुस मसान्तपछिका लागि नयाँ शुल्क निर्धारण गरेको छ ।

राष्ट्र बैंकका अनुसार एक हजारसम्मको कारोबार गरेमा निशुल्क । एक हजार एकदेखि ३ हजारसम्म ५ रुपैयाँ, तीन हजार एकदेखि १० हजजारसम्म १० रुपैयाँ र १० हजार एकदेखि माथी कारोबार गरेमा ३० रुपैयाँ शुल्क लाग्ने जनाएको छ ।