अखबार नेपाल ट्रेन्डिङ

काठमाडौं:  नेटवर्किङ धन्दा मुलुकमा प्रतिबन्धित भए पनि यसबाट ठगीमा परेको उजुरी आउन थालेको वाणिज्य तथा उपभोक्ता संरक्षण विभागले जनाएको छ ।

नेपालभित्रै तथा विदेशमा रहेका नेपालीहरु समेतलाइ आबद्ध गरी ठगी गरेको र पुँजी अपचलन गरेको उजुरी  आउन थालेपछि गम्भीर  ध्यानाकर्षण भएको विभागले जनाएकाे छ ।

विभागले बिभिन्न सामान वस्तुकाे प्रत्यक्ष बिक्रिकाे नाममा गैरकानूनी रूपले नेटवर्किङ धन्दाबाट छिटो र धेरै पैसा पाइने प्रलोभनमा नपर्न  सर्वसाधारणलाई सचेत गराएको छ।

प्राप्त गुनासो र उजुरीका आधारमा विभागले केही व्यक्ति तथा कम्पनीहरुमा उपर जाँचबुझ थालेको र त्यस्ता गैरकानूनी व्यावसायिक काम कारबाही गरे/गराएमा कैद, जरिवाना वा दुवै सजाय हुने कानुनी प्रावधान रहेकाे विभागले जनाएकाे छ ।