अखबार नेपाल ट्रेन्डिङ

काठमाडौ: नेपाल उद्योग वाणिज्य महासंघको ५४ औं वार्षिक साधारणसभाका लागि तीन वटा विकल्प दिइएको छ । साधारणसभा र निर्वाचनको मोडालिटी तय गर्न गठित समितिले तीन विकल्प दिएको छ ।

प्रतिवेदनमा वार्षिक साधारण सभाको उद्घाटन, बन्दसत्र र समापन कार्यक्रम भर्चुअल जुममार्फत गर्न सुझाव दिइएको छ।  प्रतिवेदन सोमबार अध्यक्ष भवानी राणालाई हस्तान्तरण गरिएको छ।

पहिलो विकल्पमा जिल्ला-नगर, वस्तुगत, द्विर्राष्ट्रिय, एसोसिएटको प्रत्यक्ष काठमाडौंमा निर्वाचन गर्ने सुझाव दिइएको छ।

दोस्रो जिल्ला-नगर क्षेत्रको सम्बन्धित प्रदेशमा र वस्तुगत, एसोसिएटको काठमाडौंमा गर्ने विकल्प दिइएको छ ।

तेस्रो कम्प्युटराइज्ड भोटिङमार्फत गर्न सुझाव दिइएको छ। समितिले कोरोना संक्रमणको अवस्था हेरेर निर्वाचनको तीन वटा मोडालिटी दिएको हो ।

समितिले स्वास्थ्य सम्बन्धी विज्ञ र उच्चस्तरीय संकट व्यवस्थापन केन्द्रसँगको सल्लाहमा प्रतिवेदन पेश गर्न कार्यादेश दिइएको थियो।

उक्त सुझावलाई कार्यसमिति बैठकमा छलफल गरेर एउटा विकल्प कार्यान्वयनमा ल्याएर साधारणसभा गर्ने जनाएको छ।

उक्त समितिमा जिल्ला/नगर उद्योग वाणिज्य संघ क्षेत्रबाट अरूणराज सुमार्गी र डीबी बस्नेत, वस्तुगत क्षेत्रबाट विनोद ढकाल र सुनिलगोपाल श्रेष्ठ र एसोसिएट क्षेत्रबाट भरतराज आचार्य र रंजितराज आचार्यको सहभागि थिए ।