अखबार नेपाल ट्रेन्डिङ

काठमाडौं: नेपाल राष्ट्र बैंकले बैंकको ब्याजदरमा अल्पकालिन उतार चढाव रोक्न कार्यविधि संशोधन गरेको छ । राष्ट्र बैंकले ब्याजदर करिडोर सम्बन्धि कार्यविधि संशोधन गरेको हो ।

राष्ट्र बैंकले ब्याजदरमा स्थायित्व कायम गर्ने र मौद्रिक व्यवस्थापनलाई आधुनिकीकरण गर्ने उद्देश्यले ’ब्याजदर करिडोरसम्बन्धी कार्यविधि, २०७४’ सम्बन्धी व्यवस्था संशोधन गरेको जनाएको छ ।

राष्ट्र बैंकले आर्थिक वर्ष ब्याजदर करिडोरसम्बन्धी कार्यविधि, २०७६ (दोस्रो संशोधन, ०७७) मा तरलता अनुगमन तथा प्रक्षेपण संरचनाले इंगित गर्ने तरलताको आधारमा ब्याजदर करिडोरमार्फत तरलता प्रवाह तथा प्रशोचन गर्ने व्यवस्था गरिएको छ ।

नयाँ व्यवस्थासँगै तरलता प्रवाह गर्नका लागि ओभर नाइट रिपो उपकरण र तरलता प्रशोचन गर्नका लागि एक हप्ता अवधिको निक्षेप संकलन उपकरणको प्रयोग गर्ने बाटो खोलिएको छ ।

जस अनुसार ब्याजदर करिडोरको माथिल्लो सीमाको रूपमा स्थायी तरलता सुविधाको दर ५.० प्रतिशत रहेको छ भने ब्याजदर करिडोरअन्तर्गत ओभर नाइट रिपो दर नीतिगत दरको रूपमा ३.० प्रतिशत र तल्लो सीमाको रूपमा एक हप्ता अवधिको निक्षेप संकलनको दर १.० प्रतिशत तोकिएको छ ।