अखबार नेपाल ट्रेन्डिङ

काठमाडौं: गोरखाको बारपाक केन्द्रबिन्दु भएर बिनासकारी भुकम्प गएको चार वर्ष पुरा भएको छ । गोरखाको बारपाक केन्द्रबिन्दु बनाई ७ दशमलव ८ रेक्टर स्केलको बिनाशकारी भुकम्पमा परी ९ हजार व्यक्तिले ज्यान गुमाउनुका साथै ठुलो जनधनको क्षति भएको थियो ।

भूकम्पबाट ८ लाख २४ हजार ४ सय ५२ घर क्षति भएको थियो भने सात सय ५३ सम्पदामा क्षति पुगेको थियो । चार वर्ष भइसक्दा ८ हजार ३ सय २६ परिवारले घर निर्माण सम्पन्न गरिसकेका छन् भने दुई सय २४ बटा सम्पदा मात्र पुनर्निमाण सम्पन्न भएका छन् । भुकम्पका कारण काठमाडौं वरपरका १४ जिल्ला भूकम्पबाट अति प्रभावित भएका थिए ।

भुकम्पका कारण भत्किएका विद्यालय र स्वास्थ्य संस्थाको पुनर्निर्माण पूर्ण रुपमा हुन सकेका छैनन् भने जोखिममा परेका वर्ग र असुरक्षित स्थानमा रहेका परिवारलाई सुरक्षित स्थानमा जग्गा उपलब्ध गराउन काम अझै सकिएको छैन । राष्ट्रिय पुननिर्माण प्राधिकरण गठन गरि पञ्चवर्षीय योजनाका साथ पुनर्निर्माणका लागि ९ खर्ब ३८ अब रकम आवश्यक पर्ने आकलन गरिएको थियो । त्यसमध्ये ०७४ र ७५ मा १ खर्ब ७८ अर्ब रकम खर्च भएको छ ।

चालु वर्ष १ खर्ब २३ अर्ब खर्च गर्ने लक्ष्य लिइएको छ । सरकारको नियमित कार्यक्रम, निजी क्षेत्र र गैरसरकारी संस्थाबाट २ खर्ब परिचालन हुने अपेक्षा प्राधिकरणको छ । पुनर्निर्माण सक्न थप ४ खर्ब २९ करोड रकम आवश्यक पर्ने प्राधिकरणले जनाएको छ । अबको २० महिनाभित्र पुनर्निर्माण सक्ने लक्ष्यसाथ काम भइरहेको प्राधिकरणले जनाएको छ ।