नेपालमा कोरोना संक्रमितको संख्या १,७३,५६७ पुग्यो
वि.सं.२०७७ कात्तिक १६ आइतवार १६:५१
काठमाडौं: नेपालमा पछिल्लो २४ घण्टामा थप २ हजार ८ सय २४ जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या १ लाख ७३ हजार ५ सय ६७ पुगेको छ ।
नेपालमा पछिल्लो २४ घण्टामा १३ हजार २३ जनाको पीसीआर गरिएको हो । हालसम्म कोरोनाका सक्रिय संक्रमितको संख्या ३७ हजार ७ सय ६५ रहेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा थप २ हजार २ सय ६४ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १ लाख ३४ हजार ८ सय ४२ पुगेको मन्त्रालयले जनाएको छ ।
नेपालमा पछिल्लो २४ घण्टामा थप २३ जनाको कोरोना भाइरसको संक्रमणका कारण मृत्यु भएको छ । योसँगै नेपालमा कोरोनाले ज्यान गुमाउनेको संख्या ९ सय ६० पुगेको छ ।
वि.सं.२०७७ कात्तिक १६ आइतवार १६:५१