अखबार नेपाल ट्रेन्डिङ

काठमाडौं : ११ औं पटक पुनर्गठित मन्त्रीपरिषदका सदस्यहरुले आज साढे ११ बजे सपथग्रहण गर्ने कार्यक्रम रहेको छ ।

प्रधानमन्त्री केपी शर्मा ओलीले हिजो बुधबार मन्त्रिमण्डलमा आंशिक हेरफेर गरेका छन् ।

ओलीले खाली रहेका तीन मन्त्रालयमा नेतृत्व पूर्ति गर्दै केही मन्त्रीको जिम्मेवारीमा फेरबदल गरेका छन् ।

नव नियुक्त तीन मन्त्रीले बिहीबार शीतल निवासमा शपथ लिने कार्यक्रम रहेको छ । प्रधानमन्त्री ओलीको सिफारिसमा ती मन्त्रीहरुलाई राष्ट्रपति विद्यादेवी भण्डारीले नियुक्त गरेका हुन ।

यसरी मन्त्री हुनेमा अर्थ मन्त्रालयमा विष्णुप्रसाद पौडेल रहेका छन् । रक्षा मन्त्रालयको जिम्मेवारी प्रधानमन्त्री केपी शर्मा ओलीसँग राखेर उपप्रधानमन्त्री ईश्वर पोखरेललाई प्रधानमन्त्री तथा मन्त्रिपरिषद्को कार्यालयमा दिईएको छ ।

खाली रहेको संचार मन्त्रालयमा यसअघि महिला बालबालिका तथा जेष्ठ नागरिक मन्त्रालय सम्हालिरहेका पार्वत गुरुङलाई लगिएको छ । उक्त मन्त्रालयमा लीलानाथ श्रेष्ठलाई दिईएको छ । शहरी विकासमा भने कृष्णगोपाल श्रेष्ठलाई नियुक्त गरिएको छ ।