अखबार नेपाल ट्रेन्डिङ

काठमाडौं: राष्ट्रिय फुटबल टिमका पूर्व सदस्य रितेश थापामाथिको निलम्बन फुकुवा भएको छ ।

म्याच फिक्सिङको आरोप लागेका रितेशलाई नेपाल प्रहरीले असोज १९ गतेबाट लागू हुने गरि कारबाही फुकुवा गरेको हो ।

देशको प्रतिनिधित्व गर्दै अन्तर्राष्ट्रिय फुटबलमा म्याच फिक्सिङ गरेको आरोपमा रितेश सहित राष्ट्रिय फुटबल टिमका ६ सदस्यविरुद्ध अदालतमा मुद्धा दायर भएको थियो ।

गत असार २ गते सर्वोच्च अदालतले म्याच फिक्सिङ्गको आरोपमा रितेश सहित ६ खेलाडीलाई सफाई दिने निर्णय गरेको थियो ।

अदालतले म्याच फिक्सिङको कार्यमा राज्य विप्लवको कसुर आकर्षित नहुने ब्याख्या सहित रितेश सहितका ६ सदस्यलाई सफाई दिने निर्णय गरेको थियो ।

अन्तराष्ट्रिय फुटबलमा फिक्सिङ गरेको आरोपमा तत्कालिन कप्तान सागर थापा सहित, उपकप्तान सन्दीप राई, विकास सिंह क्षेत्री, रितेश थापा, अन्जन केसी र फिजियो डेबिज थापा पक्राउ परेका थिए ।