अखबार नेपाल ट्रेन्डिङ

काठमाडौं: पछिल्लो २४ घन्टामा नेपालमा थप १२०१ जनामा कोरोना भाइरसको संक्रमण देखिएको छ।

२४ घन्टामा देशका विभिन्न प्रयोगशालामा गरिएको परीक्षणका क्रममा थप १२०१ जना सहित नेपालमा कोरोना संक्रमित हुने को संख्या ५१ हजार ९ सय १९ जना पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घन्टामा थप ८५२ जना सहित नेपालमा हालसम्म ३७ हजार ५५४ उपचारपछि निको भएका छन्। हाल देशभर सक्रिय संक्रमितको संख्या १५ हजार २६० र ९ हजार १०७ जना संस्थागत आइसोलेसनमा छन् भने ६ हजार १५३ होम आइसोलेसनमा छन्।

नेपालमा पछिल्लो २४ घन्टामा थप १४ जना सहित ३३६ जना कोरोना संक्रमितको मृत्यु भएको मन्त्रालयले जनाएको छ ।