अखबार नेपाल ट्रेन्डिङ

काठमाडौं: पछिल्लो २४ घन्टामा नेपालमा थप १ हजार ४ सय ५४ जनामा कोरोना भाइरसको संक्रमण देखिएको छ।

२४ घन्टामा देशका विभिन्न प्रयोगशालामा गरिएको परीक्षणका क्रममा थप १ हजार ४ सय ५४ जना सहित नेपालमा कोरोना संक्रमित हुने को संख्या ५१ हजार ९ सय १९ जना पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घन्टामा थप ९ सय ७२ जनासहित नेपालमा हालसम्म ३६ हजार ६ सय ७२ जना उपचारपछि निको भएका छन्।

हाल देशभर सक्रिय संक्रमितको संख्या १४ हजार ९ सय २५ छ । ८ हजार २ सय ९१ जना संस्थागत आइसोलेसनमा छन् भने ६ हजार ६ सय ३४ होम आइसोलेसनमा छन् । नेपालमा कोरोनाबाट हालसम्म ३ सय २२ जनाको मृत्यु भएको मन्त्रालयले जनाएको छ ।