अखबार नेपाल ट्रेन्डिङ

काठमाडौं: कोटेश्वरमा – ३२ महादेव स्थान क्षेत्रमा अनाधिकृत रुपमा उत्पदन गरिएको मास्क र मास्क उत्पादन गर्ने सामाग्रीहरु नियन्त्रणमा लिएको छ ।

जन प्रतिनिधि हिरादेबी पोखरेलको संयजोकत्मा गठित समूहले अनाधिकृत मास्क उत्पदन गर्ने स्थलहरुमा छापा मारी मास्क उत्पादन गर्ने सामाग्रीहरु नियन्त्रणमा लिएको हो ।

कोरोना भाईरसको जोखिम बढेसंगै कोटेश्वरको सिल गरिएको क्षेत्रमा स्थानियको अवस्था बारे जानकारि लिने क्रममा होटलका टेबुलहरुमा जथाभावि रुपमा फिजाईएको अवस्थामा मास्क देखिएको पोखरेलले बताउनु भयो।

कोटेश्वरको विभिन्न ६ स्थानमा गरिएको निरिक्षणमा सामाजिक दुरि कायम नगरि, मास्कको प्रयोग नगरि सामुहिक रुपमा काम गरिरहेको भेटिएको छ ।

मुखमा लगाउने मास्क गोडाले थिचेको अवस्थामा फेला परेकोले आम नागरिकको स्वास्थ्य सुधार गर्नु भन्दा पनि यस्ता मास्कले जोखिम बढ्दै गएको प्रति पोखरेलले चिन्ता ब्यक्त गर्नु भयो ।

अनाधिकृत रुपमा उत्पादित मास्क जफत गरि कोटेश्वर प्रहरि प्रभागमा राखिएको र उत्पादित मास्क गुणस्तर मापदण्ड अनुसारको छ छैन या उत्पादन स्वीकृत छ छैन थप अनुसन्धान भईरहेको पोखरेलले बताउनु भयो ।