अखबार नेपाल ट्रेन्डिङ

काठमाडौं: नेपाल औषधी उत्पादक संघले शुक्रबार पत्रकार सम्मेलनको आयोजना गरी नेपालका ६२ उद्योगले उत्पादन गरेको औषधीले तीन महिनाको माग धान्ने जनाएको छ ।

भारतले सिटामोल लगायत २६ प्रकारका औषधी र कच्चा पदार्थ निर्यातमा प्रतिबन्ध लगाएसँग नेपालमा औषधी अभाव हुन सक्ने समाचारहरु सार्वजनिक भएको थियो । तर यसअघि नै आयात गरिएका कच्चा पदार्थ उपलब्ध रहेकाले औषधी अभाव नहुने संघका महासचिव विप्लव अधिकारीले जानकारी दिए ।

अधिकारीले अहिले नेपालमा चाहिने ७५ प्रतिशत औषधी यहीँ उत्पादन भइरहेको र सरकारले प्रोत्साहन गरेमा सय प्रतिशत नै औषधी उत्पादन गर्न सकिने र यस्तो बिशम पेरिस्थितिमा बिदेशी कम्पनीलाई अनुनय विनय गर्नाले सम्पूर्ण औषधि उद्यगीहरुलाई तितो आनुभब भएको र बिदेशीलाई हारगुहार गर्नुको सट्टा नेपाली उत्पादकसँग सहकार्य गर्न सरकारसँग आनुरोध गरेका छन् ।