अखबार नेपाल ट्रेन्डिङ

टिकापुरः ग्लोबल आइएमई बैंकले टिकापुरस्थित विरेन्द्र विद्यामन्दिर क्याम्पसमा वित्तीय साक्षरता कार्यक्रम सम्पन्न गरेको छ । बैंकले संस्थागत सामाजिक उत्तरदायित्व अन्तर्गत सुदुर पश्चिम प्रदेशको कैलाली जिल्लामा पुगेर वित्तीय साक्षरता कार्यक्रम गरेको हो ।

क्याम्पसमा अध्ययनरत विद्यार्थी, शिक्षक र कर्मचारीहरुलाई लक्षित गरी संचालन गरिएको कार्यक्रममा करिव एक सय जनाको उपस्थिति रहेको थियो । कार्यक्रममा निक्षेप, कर्जा लगानी र यसको सदुपयोग, आधुनिक बैंकिङ्ग, डिजिटल बैंकिङ्ग तथा मोवाईल बैंकिङ्ग र रेमिट्यान्स कारोवार सम्बन्धी जानकारी उपलब्ध गरिएको थियो । कार्यक्रममा विरेन्द्र विद्यामन्दिर क्याम्पस प्रमुख हर्क भण्डारी र बैंकको टिकापुर शाखाका शाखा प्रमुख प्रकाशदत्त भट्टको उपस्थिति रहेको थियो ।