अखबार नेपाल ट्रेन्डिङ

एजेन्सीः स्पेनिस एल क्लासिको फुटबलमा बार्सिलोनालाई रियल मड्रिडले पराजित गरेको छ । आईतबार राति भएको खेलमा रियलले घरेलु मैदानमा बार्सिलोनालाई २–० ले पराजित गरेको हो । एल क्लासिकोमा शानदार जित सहित रियल लिग तालिकाको शीर्ष स्थानमा फर्किएको छ ।

रियलको जितमा भिनिसियस जुनियर र मारिनोले एक एक गोल गरे । दोस्रो हाफमा जुनियरले गोल गोल गरेका थिए । यस्तै, बैकल्पिक खेलाडीको रुपमा मैदान छिरेका मारियानो स्ट्रकले एक गोल गर्दै रियलको जित सुनिश्चित गरेका थिए । बार्सिलोनाका लागि पहिलो हाफमा लियोनल मेस्सी र एन्टोनी ग्रिजम्यानले गोलका राम्रा अवसर गुमाएका थिए ।

एल क्लासिकोको जितले प्रशिक्षक जिनेदिन जिदानलाई राहत दिएको छ । पछिल्ला दुई लिग खेलमा रियलले मात्र एक अंक बटुलेको थियो । पछिल्लो हप्ता च्याम्पियन्स लिगमा म्यान्चेष्टर सिटीसंग घरेलु मैदानमा पराजित भएपछि प्रशिक्षक जिदान दबाबमा थिए ।

एल क्लासिकोमा बार्सिलोनाबिरुद्ध रियल पछिल्लो समय कमजोर देखिन थालेको थियो । रियलले अन्तिम सात खेलमा बार्सिलोनालाई हराउन सकेको थिएन । रियल ५६ अंक सहित तालिकाको शीर्ष स्थानमा फर्किएको छ । बार्सिलोना ५५ अंक सहित तालिकाको दोस्रो स्थानमा छ । बार्सिलोनाले एल क्लासिकोमा जित हात पार्दै तालिकामा चार अंकको अग्रता बनाउने अवसर गुमाएको छ ।