अखबार नेपाल ट्रेन्डिङ

काठमाडौं: सूचना तथा सञ्चारमन्त्री गोकुलप्रसाद बास्कोटाले सेक्युरिटी प्रिन्टिङ प्रेसको खरिदमा ७० करोड कमिशनका लागि सेटिङ गरेको प्रमाण अडियोसहित आर्थिक लेनदेनको विषयमा डिलिङ् गर्दै गरेको एउटा अडियो टेप सार्वजानिक भएको थियो ।

यु-ट्युव तथा सामाजिक सञ्जाल मार्फत भाईरल भएको सो अडियो रेकर्डमा मन्त्री बाँस्कोटाले स्वीजरल्याण्डको राजदूतावाससँग सम्बन्धित प्रसंग जोड्ने स्विस कम्पनीको स्थानीय एजेन्ट विजयप्रकाश मिश्र शर्मासँगको कुराकानीका क्रममा मन्त्री बाँस्कोटाले कुन ट्रयाकबाट कमिसन बढी निकाल्ने सम्मको सल्लाह मिश्रसँग गरेको कुराकानीमा आर्थिक लेनदेनको प्रसंग उल्लेख गरिएको बिषयमा समाचार बाहिर आएपछि राजिनामा दिएको गोकुल बास्कोटालाई असभ्य भाषा प्रयोग गरेकोले हदैसम्मको कारबाही हुनुपर्ने माग राख्दै नेकपा माओबादी केन्द्र निकट युवा कम्युनिष्ट लिगले प्रेस बिज्ञाप्ती निकालेको छ ।

कमिसन खेलमा मुछिएका निवर्तमान मन्त्री गोकुल बास्कोटाले राजिनामा दिएर मात्रै नपुग्ने उनलाई कडाभन्दा कडा कारवाहीको माग गरेको विज्ञप्तीमा उल्लेख छ । विज्ञप्तीमा भनिएको छ- ‘युवा कम्यूनिष्ट लिग र हाम्रो पार्टी नेकपा (माओवादी केन्द्र)ले बारम्बार भन्दै आएको हो कि यो सरकारले जनताको सेवाभन्दा पनि उल्टै जनताको खुनपसिनामा कर बढाएर आफ्नो मोजमस्तीका लागि ढुकुटीको दुरुपयोग गरिरहेको छ । आज यो विषय बाँस्कोटाको घुस्याहा चरित्रले फेरि प्रष्टिएको छ ।’ युवा कम्युनिष्ट लिगको कार्यबाहक अध्यक्ष प्रकाश दुमी राईद्वारा हस्ताक्षर गरिएको विज्ञप्तीमा उल्लेख छ ।

बाँस्कोटाले राजीनामा दिएर मात्र उन्मुक्ति नपाउन, बालुवाटारको जग्गा हडप्ने डवल नेकपाका महासचिव बिष्णु पौडेललाई जोगाए जस्तै राजिनाम दिँदैमा गोकुल बास्कोटालाई त्यतिकै उन्मुक्ती दिनु नहुने र प्रधानमन्त्री केपी ओलीले घुस माग्ने बाँस्कोटा, घुस दिन खोज्ने विजयप्रकाश मिश्र र जग्गा दलाल पौडेलमाथि निष्पक्ष छानविन गरी दोषको आधारमा कडा कारवाहीको माग गर्दै युवा कम्युनिष्ट लिगले कडा बिज्ञाप्ती जारी गरेको छ ।