अखबार नेपाल ट्रेन्डिङ

काठमाडौं: पशुपति क्याम्पसमा अध्यनरत विद्यार्थी सृष्टि पन्तलाई आज बिहान सार्वजानिक गाडीले ठक्कर दिएर गम्भीर घाइते भएपछि आक्रोशित विद्यार्थीहरुले बसमा आगजानी गरेका छन् । घाइते पन्तको अहिले ओम अस्पतालमा उपचार भइरहेको छ ।

बसले पन्तलाई सुकेधारामा ठक्कर दिएको थियो । ठक्कर दिएर गाडी भागेपछि विद्यार्थीहरुले अन्य गाडीमा तोडफोड र आगजनी गरेका थिए । प्रहरीका अनुसार विद्यार्थीले एउटा गाडीमा आगजनी गरेका छन् भने अर्को गाडीमा तोडफोड । विद्यार्थीलाई ठक्कर दिने गाडी र चालकलाई भने प्रहरीले नियन्त्रणमा लिएको छ ।

पशुपति क्याम्पसमा अध्ययन गर्ने विद्यार्थीलाई ठक्कर दिएपछि क्याम्पसका विद्यार्थीहरुले अर्को गाडीमा आगजनी गरेका थिए । अहिले आगो पूर्ण नियन्त्रणमा लिइएको छ भने व्यापक प्रहरी परिचालन गरिएको छ । प्रहरीले पशुपति क्याम्पस वरपर ठुलो संख्यामा प्रहरी परिचालन गरेको छ । प्रहरी र विद्यार्थीबीच केहीबेर झडप समेत भएको थियो ।