अखबार नेपाल ट्रेन्डिङ

विराटनगर: टाटा मोटर्सले बिराटनगरमा नयाँ शोरुम संचालनमा ल्याएको छ । टाटा मोटर्सको नेपालका लागि आधिकारिक बिक्रेता सिप्रदी ट्रेडिंगको विराटनगरका लागि आधिकारिक वितरक गोयल अटो प्रा. लि. ले बुधबारदेखि शोरुम संचालनमा ल्याएको हो ।

३००० बर्गफिट क्षेत्रफलमा फैलिएको शोरुममा टाटा मोटर्सका सम्पूर्ण रेन्जका कारहरु उपलब्ध हुने कम्पनीले जनाएको छ । शोरुमको उद्घाटन गर्दै टाटा मोटर्सका अन्तराष्ट्रिय व्यापार प्रमुख, सुजन रोयले भने, “टाटा मोटर्सका लागि नेपाली बजार निकै महत्वपूर्ण छ । ग्राहकलाई उच्च सुविधा दिने हाम्रो प्रयत्नलाई यो शोरुमले अझै सबल बनाएको छ । शोरुमको संचालनले यस क्षेत्रमा विक्री, सेवा र ग्राहक सन्तुष्टिको पाटोमा नयाँ आयाम आउने कुरामा हामी विश्वस्त छौं ।”

सिप्रदी ट्रेडिंगका अध्यक्ष सौर्य एस. जे. बी. राणाले गोयल अटोसंगको यो साझेदारीले ग्राहकमाझ टाटा मोटर्सको पहुँच सहज बनाएको र सेवा र सुविधा अझै सुदृढ हुँदै जाने भन्दै खुशी ब्यक्त गरे । आधुनिक शोरुमसंगै टाटाका विभिन्न आकर्षक मोडेलका नेक्सन, एनआरजी, जेस्ट, बोल्ट, स्ट्रम, हेग्जा, टियागो र टिगोर कारहरु बिक्री वितरण गर्न पाउँदा ग्राहकहरु लाभान्वित हुनेमा विश्वस्त रहेको बताए ।

सिप्रदी सन् १९८२ देखि नेपालमा टाटा मोटर्सका आधिकारिक विक्रेता रहँदै आएको छ । यसको नेपालमा सवैभन्दा धेरै विक्री तथा सेवा केन्द्रहरु रहेको बिज्ञप्तीमा उल्लेख छ । देशभरि टाटा मोटर्सका कमर्शियल गाडीका २४ विक्री कार्यालय, २५ सेवा केन्द्रहरु रहेको तथा प्यासेन्जर गाडीका २३ वटा बिक्री केन्द्र, २५ वटा सर्विस सेन्टर र ३०० स्पियर पार्टस आउटलेट रहेको कम्पनीले जनाएको छ ।।