अखबार नेपाल ट्रेन्डिङ

काठमाडौं: नेपाली सेनाले कर्फ्यू हटाउँदा बजारमा चहलपहल देखिएको छ । बिहान ६ बजेदेखि ११ बजेसम्म सर्वसाधारणलाई अत्यावश्यक कामका लागि आवतजावतमा छुट दिएपछि चहलपहल बढेको हो । सेनाले शुक्रबार साँझसमेत ५ बजेदेखि ७ बजेसम्म अत्यावश्यक कामका लागि समय दिएको छ ।

सैनिक जनसम्पर्क तथा सूचना निर्देशनालयका अनुसार बिहान ११ बजेदेखि साँझ ५ बजेसम्म भने निषेधाज्ञा हुनेछ । निषेधाज्ञाको समयमा पाँच जनाभन्दा बढी भेला हुन पाइने छैन । यो समयमा एम्बुलेन्स, शव वाहन, सुरक्षाकर्मी, सरकारी कर्मचारी, स्वास्थ्यकर्मी, सञ्चारकर्मीलगायत अत्यावश्यक कामका व्यक्तिलाई आफ्नो परिचय पत्र बोकेर हिँडडुल गर्न पाइने सेनाको सूचनामा उल्लेख छ ।

सेनाले साँझ ७ बजेपछि भने कर्फ्यू आदेश जारी गरेको छ । कर्फ्यू शनिबार बिहान ६ बजेसम्म रहने छ । सेनाले परिस्थितिलाई नियन्त्रणमा लिएर निषेधाज्ञा र कर्फ्यूको समय बढाउँदै आएको छ । भदौ २३ र २४ गतेको जेनजीको प्रदर्शनमा ३४ जनाको मृत्यु भइसकेको छ भने हजार बढी घाइते भएका छन् ।