अखबार नेपाल ट्रेन्डिङ

काठमाडौं: नेपालसँगको दुई मैत्रीपूर्ण खेलको लागि बंगलादेशको राष्ट्रिय फुटबल टोली काठमाडौं आईपुगेको छ । नेपाल र बंगलादेशबीच यही भदौ २१ र २४ गते त्रिपुरेश्वरस्थित दशरथ रंगशालामा दुई मैत्रीपूर्ण खेल खेल्दैछन् ।

दशरथ रंगशालामा २२ महिनापछि अन्तर्राष्ट्रिय फुटबल आयोजना हुन लागेको हो । नेपालले र बंगलादेशले भने सन् २०२२ पछि मैत्रीपूर्ण खेल्न लागेका हुन् । यसअघि बंगलादेशको नेपाल भ्रमण अनिश्चित रहेपनि उसले साफ गोल्डकप नखेल्ने निर्णय गरेर नेपालसँगको मैत्रीपूर्ण खेलका लागि स्वीकार गरेको छ ।

दुबै टोलीले मैत्रीपूर्ण खेलका लागि आफ्नो २३ सदस्सीय टोली घोषणा गरिसकेका छन् । इङ्लिस च्याम्पियनसिप क्लब लेस्टर सिटीका हम्जा चौधरी भने टिममा छैनन् । नेपाल र बंगलादेशबीच अहिलेसम्म २४ खेल भएका छन् । त्यसमा नेपालले बंगलादेशलाई १३ पटक हराएको छ भने तीन पटक बराबरी भएको छ । बंगलादेशका लागि पनि नेपालविरूद्धको खेल महत्वपूर्ण छ किनभने उसले पनि एएफसी एसियन कपको छनोटका लागि तयारी गरिरहेको छ ।