अखबार नेपाल ट्रेन्डिङ

काठमाडौं: एफसी यु-२३ एसियन कप छनोट अन्तर्गत नेपालले आज पहिलो खेल घरेलु टोली ताजकिस्तानविरुद्ध खेल्दैछ । छनोट प्रतियोगिता अन्तर्गत समूह ‘के’ को पूर्वसन्ध्यामा भएको प्रिम्याच पत्रकार सम्मेलनमा नेपालको यु-२३ टिमका प्रशिक्षक नवीन न्यौपानले पूर्ण रूपमा तयारीका साथ ताजकिस्तान आएको बताए ।

नेपालले नेजकिस्तानविरुद्ध खेलेर प्रतियोगिताको सुरुवात गर्नेछ । त्यसपछि नेपालले भदौ २१ गते सिरिया र भदौ २४ गते फलिपिन्ससँग खेल्नेछ । प्रशिक्षक नवीनले यस प्रतियोगितामा रहेका सबै टिम सशक्त रहेको तर आफूहरू पनि दुई महिनाको तयारीसहित खेल्न आएको जानकारी दिए ।

नेपाली टोलीमा राष्ट्रिय टिमका मिडफिल्डर आयुष घलानले कप्तानी गरेका छन् । अन्य खेलाडीमा कृशल मोक्तान, अमित टमाटा, विशाल केसी (गोलरक्षक) तथा विवेक गुरुङ, विशाल नेपाली, लाहन सुब्बा, निग्मा लामा, राम थापा, शङ्कर थारू, सीमान्त थापा (डिफेन्डर) रहेका छन् ।

यसैगरी मिडफिल्डरमा आयुषसहित अभिषेक स्याङ्तान, एरोन थापा, निराज कार्की, दीपेश गुरुङ, कृतिशरत्न छुन्जु, पुजन थापा, सञ्जीव लामा, सन्तोष खत्री, सुजन मगर र सुमित श्रेष्ठ रहेका छन् । स्ट्राइकरमा रोहन खड्गी र नीराजन धामीमा रहेका छन् ।