अखबार नेपाल ट्रेन्डिङ

काठमाडौं:  एसिसी यु-१९ महिला एसिया कपमा नेपालले आज श्रीलंकासँग खेल्दैछ । खेल नेपाली समय अनुसार बिहान पौने १२ बजे मलेसियाको बायुमास ओभलमा हुनेछ ।

मंगलबार नेपाल र भारतबीचको खेल वर्षाले रद्द भएपछि नेपाल समूह चरणमा अपराजित भएर सुपर  फोरमा पुगेको छ ।  यस नतिजासँगै समूह ‘ए’ बाट भारत र नेपाल सुपर फोरमा पुगे । यसअघि यी दुवै टिमले पाकिस्तानलाई हराएर एक खेलअघि नै सुपर फोरमा पुगेका थिए ।

नेपालले अब अर्को चरणमा समूह ‘बी’ बाट अगाडि बढेका बङ्गलादेश र श्रीलङ्काविरुद्ध खेल्न लागेको हो । नेपालले भोलि बंगलादेशसँग खेल्नेछ । बंगलादेश समूह ‘बी’मा दुई खेलमा विजयी हुँदै सुपर फोरमा पुगको हो । उसको ४ अंक छ । बंगलादेशले श्रीलंका र आयोजक मलेसियालाई हराउँदै सुपर फोरको  अंक तालिकाको शिर्ष स्थानमा छ ।

दोस्रो स्थानमा भारत छ । ३ अंक रहेका भारत र नेपाल क्रमशः दोस्रो र तेस्रो स्थानमा छन् । दुई खेलमा एक खेलमा विजयी भएको श्रीलंकाको २ अंकमात्र रहेको छ । यो अंक सुपर फोरमा पनि जोडिने छ । र, शीर्ष स्थानका दुई टोलीले उपाधिका लागि फाइनल खेल्नेछन् । तेस्रो र चौथो टोली बाहिरिने छन् । फाइनल खेल आइतबार हुनेछ ।