अखबार नेपाल ट्रेन्डिङ

काठमाडौं: महिला साफ च्याम्पियनसिप अन्तर्गत आज नेपाल र माल्दिभ्स भिड्दैछन् । यी दुईबीचको खेल त्रिपुरेश्वस्थित दशरथ रंगशालामा साँझ ५:३० बजे हुनेछ । सेमिफाइनलको सम्भावना बढाउनका लागि नेपालीले माल्दिभ्सविरुद्धको खेल जित्नुपर्ने दबाद रहेको छ ।

भुटानसँगको पहिलो खेलमा गोलरहित बराबरीमा रोकिएको नेपाली टोली आज जितेर सेमिफाइनलको आधार तयार पार्ने दाउमा हुनेछ । तुलानात्मक रुपमा माल्दिभ्स कमजोर टोली हो । माल्दिभ्स पहिलो खेलमा श्रीलंकासँग १–० गोल अन्तरले पराजित भएको थियो ।

सावित्रा भण्डारी फ्रान्सबाट स्वदेश आइपुगेकी छिन् । उनको आगमनबाट टोली उत्साहमा रहेको छ । उनी खेल्न तयारी भएको अवस्थामा खेलाउने टोलीका मुख्य प्रशिक्षक राजेन्द्र तामाङले बताएका छन् । साम्बा त्यस्तो खेलाडी हुन्, जो हरसम्भव टोलीबाट खेल्नका लागि उत्साहित र प्रतिबद्ध रहने गरेकी छिन् । त्यसैले उनले माल्दिभ्सविरुद्धको खेलमा सुरुवात गर्ने सम्भावना छ । भुटानसँगको खेलमा घाइते भएका हिराकुमारी भुजेल र दीपा शाहीले च्याम्पिनसिप गुमाएका छन् । यद्दपी अखिल नेपाल फुटबल संघले उनीको अवस्थाका बारेमा आधिकारिक जानकारी भने दिएको छैन ।

समूह ‘ए’ मा आइतबार बंगलादेश र पाकिस्तानले १-१ को बराबरी गरेपछि अन्तिम खेलबाट मात्र सेमिफाइनल पुग्ने टंगो लाग्नेछ । पहिलो खेलमा पाकिस्तानलाई ५-२ ले हराएको भारत सेमिफाइन पुगिसकेको छ । बुधबार भारत र बंगलादेशको खेलपछि समूहको विजेता उपविजेताको टुंगो लाग्नेछ ।