अखबार नेपाल ट्रेन्डिङ

रामेछाप: रामेछाप जिल्लाको गोकुलगंगा गाउँपालिका-६ फर्पुमा बिहीबार साँझ पहिरोमा परेर तीन जनाको मृत्यु भएको छ । रामेछाप प्रहरीका अनुसार पहिरोमा परेर १७ वर्षीया सीता तामाङ, १५ वर्षीया आशिका तामाङ र १३ वर्षीया लक्ष्मी तामाङको मृत्यु भएको जिल्ला प्रहरी कार्यालय रामेछापले जनाएको छ ।

पहिरोको जोखिममा रहेका केही घरका स्थानीयको उद्धार भएको छ । रामेछाप प्रहरीका अनुसार खेतमा काम गरेर चाँडै घर फर्किएका तीन जनालाई घरसँगै पहिरोले छोपेको हो । उद्धारका लागि प्रहरीको टोली रातिदेखि सक्रिय भएपनि अहिले थप विवरण आइनसकेको जिल्ला प्रहरीले बताएको छ ।