अखबार नेपाल ट्रेन्डिङ

काठमाडौं: आईसीसी क्रिकेट विश्वकप लिग-२ को दोस्रो खेलमा आज नेपालले नेदरल्याण्ड्ससँग खेल्दैछ । त्रिवि क्रिकेट मैदान कीर्तिपुरमा हुने खेलमा नेपाल पहिलो जितको खोजीमा हुनेछ । नेदरल्याण्डस्विरुद्धको खेलमा अलराउण्डर दीपेन्द्रसिंह ऐरीले खेल्ने सम्भावना छ । पहिलो खेलमा नामिबियासँग ४ विकेटले पराजित भएपछि नेपाललाई आजको खेल जित्नैपर्ने दबाब छ ।

विश्वकप खेलेकै खेलाडीसहित बलियो टोली लिएर नेपाल आएको नेदरल्यान्ड्स लिग-२ मा सुखद सुरुवात गर्ने लक्ष्यमा हुनेछ । विश्वकपबाट कोलिन एकरमेन, सकिब जुल्फिकर र लोगन भान बिक मात्र टोलीमा छैनन् । यता नेपाल भने पहिलो खेलमा हार बेहोरेसँगै केहि दबाबमा छ । नामिबियाविरुद्ध पहिलो खेलमा खराब ब्याटिङसँगै नेपाल १३२ रनमा अलआउट भएको थियो । नेदरल्यान्ड्सविरुद्ध दीपेन्द्र सिंह ऐरीको पुनरागमन हुने भएको छ ।

नेपाल र नेदरल्यान्ड्सले यसअघि ३ पटक ओडीआईमा एक अर्कासँग खेलेका छन् । दुई पटक न्युजिल्यान्डले सहज जित हासिल गर्दा नेपालले सन् २०१८ मा सिरिज बराबर गर्न १ रनको जित दर्ता गरेको थियो । नेपालको घरेलु मैदानमा नेदरल्यान्ड्स पहिलो पटक ओडीआई खेल्दैछ ।