अखबार नेपाल ट्रेन्डिङ

काठमाडौं: नेपाल सुपर लिग (एनएसएल)को उपाधिका लागि आज धनगढी एफसी र ललितपुर सिटी एफसीबीच भिडन्त हुने भएको छ । भिडन्त त्रिपुरेश्वरस्थित दशरथ रंगशालामा साँझ ५:३० बजे हुनेछ ।

धनगढी एफसीले पोखरा थण्डर्सलाई टाईब्रेकरमा ४–३ ले हराउँदै फाइनलमा पुगेको हो । ललितपुरले भने पोखरालाई २–१ गोल अन्तरले पराजित गर्दै धनगढी एफसीसँग उपाधि भिडन्त पक्का गरेको हो । धनगढीका कप्तान देवेन्द्र तामाङले पहिलो संस्करणमा फाइनलमा पुगेर पनि उपाधि जित्न नसकेको पक्षलाई स्मरण गर्दै यो सिजनमा उपाधिका लागि तयारी गरेको बताएका छन् । ललितपुरका कप्तान अनन्त तामाङले यो सिजन जित्नका लागि आफूहरु तयार रहेको प्रतिक्रिया दिएका छन् ।

एनएसएलको दोस्रो संस्करणमा ९ टिम समावेश थिए । प्रतियोगिताको विजेताले नगद ७० लाख रुपैयाँ प्राप्त गर्नेछ । नेपाल स्पोर्टस म्यानेजमेन्ट एण्ड इभेन्ट कम्पनीले आयोजना गरेको प्रतियोगितालाई अखिल नेपाल फुटबल संघ एन्फाले प्राविधिक सहयोग गरेको हो । एनएसएलमा देशभरका ९ कर्पोरेट हाउस तथा ब्यक्तिले किनेका टिम समावेश छन् ।