अखबार नेपाल ट्रेन्डिङ

काठमाडौं: प्रधानमन्त्री पुष्पकमल दाहाल ‘प्रचण्ड’ भूकम्प प्रभावित क्षेत्र अवलोकन गर्न जाजरकोट प्रस्थान गरेका छन् । प्रधानमन्त्री दाहालसँगै ऊर्जा जलस्रोत तथा सिंचाइमन्त्री शक्तिबहादुर बस्नेत, माओवादी केन्द्रका सांसद तथा पूर्वअर्थमन्त्री जनार्द्धन शर्मा भूकम्प प्रभाविक क्षेत्र जाजरकोट र रुकुम पश्चिम गएका हुन् ।

प्रधानमन्त्री दाहालका प्रेस संयोजक सूर्य किरणले भूकम्प प्रभावितको अवस्था बुझ्न प्रधानमन्त्री जाजरकोटा प्रस्थान गरेको जानकारी दिए । जाजरकोटमा शुक्रबार राती गएको भूकम्पमा परी घाइतेको उद्धार तथा उपचारका लागि प्रधानमन्त्री दाहालसहितको स्वास्थ्य टोली त्यसतर्फ गएको हो ।

जाजरकोट आसपासलाई केन्द्र बनाएर शुक्रबार मध्यराती गएको ६.४ म्याग्निच्युडको भूकम्पमा परी अहिलेसम्म जाजरकोटमा ३७ र रुकुम पश्चिममा ३६ जनाको मृत्यु भएको छ । भूकम्पमा परी घाइतेहरूको स्थानीय अस्पतालमा उपचार भइरहेको छ । केहीलाई जिल्ला बाहिर रिफर गरिएको छ । स्थानीय अस्पतालमा औषधि अभाव भएको जनाइएको छ ।