अखबार नेपाल ट्रेन्डिङ

काठमाडौं: नेपाली बजारमा वुलिङ एयर ईभी बिक्री–वितरण गरिरहेको बज्र ग्रुप अन्तर्गतको ईभी नेपाल मोटर्सले नाडा शोमा ग्राहलाई बाई वन गेट वन फ्यासेलिटी उपलब्ध गराउदै आइरहेको छ ।

बाई वन गेट वन फ्यासेलिटी अन्तर्गत ३०० कि मि वुलिंग किन्ने ग्राहकले थाइल्याण्ड भिजिट अवसर पाउनेछन भने ग्राहकले वुलिंग को स्टलबाट त्यही बसेर EMI 17,9,25 फाइनान्सको सुबिधा सहित गाडी एस्क्चेंजको सुबिधा पाउने छन् ।

नाडा अटो शोमा रहेको वुलिगको  स्टलमा राखिएको तस्बिर प्रदशनीमा देशको सस्कृतिको जगेर्ना गर्ने र देशमा आन्तरिक तथा बाह्रय पर्यटन प्रबर्द्धन होस् भनेर कम्पनीले तस्बिर प्रदर्शनीमा राखेको छ जसमा जनकपुरधाम, कुमारी, स्वयम्भु, बसन्तपुर दरवार, डमरु इत्यादि सम्पूर्ण समावेश गरेको छ |

२०० र ३०० किलोमिटर रेन्ज दिने दुई भेरिएन्टमा वुलिङ एयर ईभी उपलब्ध छ । यसको मूल्य क्रमशः २० लाख ९९ हजार र २६  लाख ९९ हजार रुपैयाँ छ नाडा शोमा वुलिंगको स्टलमा बुकिंग गर्ने  ग्राहकको भिड छ भने अहिले सम्म ५९ ओटा बुकिंग भैसकेको जानकारी दिएको छ । १०० को स्पिडमा कुदाउन मिल्ने र रिमोटबाट नै अन अफ हुने इन्डोनेसिएन प्रोडक्ट वुलिंग गाडी हो |

वुलिङ ईभीले इन्डोसियामा एसएआईसी र जीएमसँगको ज्वाइन्ट भेन्चरमा विभिन्न सवारी साधन उत्पादन गर्ने गरेको छ । वुलिङ एयर ईभी चाहिं इन्डोनेसिया लगाएत बिश्वमा नै  लोकप्रिय रहेको इलेक्ट्रिक कार हो ।

ग्लोबल स्मार्ट इलेक्ट्रिक भेइकल जीएसईभी प्लेटफर्ममा वुलिङ एयर ईभी बनेको छ । यही प्लेटफर्ममा होङ गुवाङ मिनी ईभी र बाओजुन किवी ईभी समेत बनेका छन् । वुलिङ एयर ईभी फोर सिटर र थ्री डोर ह्याचब्याक हो । सिटी ड्राइभिङका लागि उपयुक्त सो इलेक्ट्रिक कार ३०  किलोवाट क्षमताको छ भने यसमा भएको लिथियम आइरन फस्फेट ब्याट्रीले ३ सय किलोमिटर सम्मको रेन्ज दिन्छ । अत्याधुनिक उपकरण प्रयोग गरिएको र उकालो तथा ओरालो जस्तोसुकै कठिन सडकमा पनि यसलाई चलाउन सकिन्छ ।

रिमोटबाटै संचालन गर्न सकिने, सजिलै घरमा चार्ज गर्न सकिने र १०० रुपैयाँ खर्चमा ३०० किलोमिटर चलाउन सकिने यो इलेक्ट्रिक कार चढ्दा खर्चको बचत हुने, इन्धन हाल्न नपर्ने, सर्भिस र पार्ट्स खर्च नहुने तथा वातावरण समेत स्वच्छ राख्न सहयोग पुग्ने कम्पनीको भनाइ छ ।

कम्पनीले नेपाली बजारमा छिटै अर्कों नया मोडेल वुलिङ विङ्गो फर डोर ईभी पनि नेपाली बजारमा लन्च गर्ने तयारी गरेको कम्पनीका एसिस्टेन्ट जेनेरल म्यानेजर एन के शरदले जानकारी गराए । यो वुलिङ एयर ईभी  कार खरिद गर्ने ग्राहकलाई  नेपाल भरि उपलब्ध गराउने सुबिधा रहेको छ ।

काठमाडौको नक्साल, भैसेपाटी,  भक्तपुरमा आधिकारिक शोरुमबाट बिक्री वितर भईरहेको छ । नेपालभरि रहेको ५१ भन्दा बढि  नेपाल बिधुत प्राधिकरणको चार्जिङ्ग स्टेसनबाट सजिलै ३ घन्टामा फुल चार्ज गर्न सकिने छ । यो इन्डोनेसियाबाट आयात गरिएको बलियो सिटि गाडी हो ।