अखबार नेपाल ट्रेन्डिङ

काठमाडौं: नेकपा एकीकृत समाजवादी पार्टीको पोलिटब्युरो बैठक केन्द्रीय कार्यालय आलोकनगरमा बसिरहेको छ । सोमबारसम्म चल्ने बैठकमा वर्तमान राजनीतिक परिस्थिति र पार्टीको आगामी कार्यभारबारे छलफल हुने प्रचार विभागले जनाएको छ ।

बैठकमा पार्टीले अवलम्बन गर्ने वैचारिक दृष्टिकोण, जनताको बहुदलीय जनवादको सान्दर्भिकता, पार्टीको संरचना र सामर्थ्य  विस्तारका लागि आवश्यक रणनीति, सङ्गठन विस्तार तथा पार्टी आधारभूत तहसम्म स्थापित गर्न आवश्यक कार्ययोजना, समसामयिक परिस्थिति र राजनीतिक प्रतिवेदन लगायत विविध विषयमा छलफल हुने जनाईएको छ ।

पोलिटब्युरो बैठकमा अध्यक्ष माधवकुमार नेपालले बैठकमा वर्तमान राजनीतिक परिस्थितिबारे सम्बोधन गर्ने कार्यसूची भएको छ । समाजवादी अर्थ व्यवस्था कार्यान्वयनमा देखिएका चुनौती कार्यान्वयनका लागि शीर्ष नेतालाई बैठकले जिम्मेवारी प्रदान  समेत गर्ने छ ।

के के छन् एजेन्डा:

१. वर्तमान राष्ट्रिय परिस्थिति बारे

२. संगठन सुदृढीकरणको रिपोर्टिङ

३. पार्टीका सैद्धान्तिक वैचारिक सवाल

४. पार्टीको संगठनात्मक अवस्था

५. पार्टीको आन्तरिक समस्या

६. आगामी कार्ययोजना

क) संगठनात्मक अभियान

ख) महाधिवेशनबारे

७. नेतृत्वलाई सुझाव