अखबार नेपाल ट्रेन्डिङ

काठमाडौं: ‘सडकमै जुटौँ, सडकमै नाचौँ’ भन्ने नाराका साथ कोशी प्रदेश नामाकरणको विरोध गर्दै किराँत समुदायले काठमाडौंमा उँभौली पर्व मनाएका छन् ।

काठमाडौंस्थित नयाँ बानेश्वरमा प्रदेश नम्बर १ पुनः नामाकरणको माग गर्दै उँभौली मनाएका हुन् । बैशाख शुक्ल पूर्णिमाका दिन किराँत राई समुदायले मनाउने उँभौली पर्व आज देशभर भूमेस्थानमा पूजा आराधना गरी मनाइएको छ ।

बाली लगाउनुअघि गाउँगाउँमा रहेका भूमेस्थानमा राम्रोसँग काम होस् भनी प्रकृतिको पूजा आराधना गरिने परम्परा रहेको छ । गर्मी बढ्ने भएकाले यो समुदायका मानिस बेँसीबाट लेकतिर उँभो लाग्ने भएकाले पनि यसको नाम उँभौली रहेको हो ।