अखबार नेपाल ट्रेन्डिङ

काठमाडौं: नेपाली राष्ट्रिय महिला फुटबल टोलीले पहिलो मैत्रीपूर्ण खेल भारतसँग खेल्ने भएको छ । चेन्नईस्थित जवाहरलाल नेहरू स्टेडियममा यी दुईबीचको खेल साँझ ७:४५ बजे हुनेछ ।

काठमाडौंमा आयोजना भएको महिला साफ च्याम्पियनसिपपछि नेपाल र भारत पहिलो पटक भिड्न लागेका हुन्  । नेपाल घरेलु टोलीलाई हराउने योजना सहित मैदान उत्रनेछ । भारत पनि नेपाललाई हराउने योजनामा हुनेछ ।

नेपाल गोलकिपर एन्जिला सुब्बाको कप्तानीमा मैदान उत्रनेछ । भारतविरुद्ध नेपाली टोलीको मुख्य प्रशिक्षकमा अनन्त थापा रहेका छन् ।

गत भदौमा दशरथ रंगशालामा भएको महिला साफको सेमिफाइनलमा नेपालले भारतलाई १-० ले हराएको थियो ।

ओलम्पिक छनोटको तयारी स्वरूप भारतले नेपाललाई दुई मैत्रीपूर्ण खेलका लागि बोलाएको हो । नेपाल र भारतबीचको दोस्रो मैत्रीपूर्ण शनिबार हुनेछ ।

नेपाली टोली:

(गोलकिपर) एन्जिला तुम्बापो सुब्बा, अञ्जना राना मगर, उषा नाथ (डिफेन्डर) हिरा कुमारी भुजेल, घिमकुमारी गुरुङ, अमृता जैशी, गीता राना, निशा थोकर, विमला विक, समीक्षा घिमिरे (मिडफिल्डर) विमला चौधरी, सविता राना मगर, सरु लिम्बु, दीपा शाही, रेणुका नगरकोटी,  अनिता बस्नेत, प्रिती राई, अनिता केसी (फरवार्ड) अमिषा कार्की, रेखा पौडेल, सावित्रा भण्डारी, रश्मी कुमारी घिसिङ,  निर्मला विक