अखबार नेपाल ट्रेन्डिङ

काठमाडौं: नेपाल भ्रमणका लागि केही काठमाडौँ आइपुगेका भारतीय विदेशसचिव विनयमोहन क्वात्राले  परराष्ट्र मन्त्रालयका सचिव भरतराज पौडेलसँग भेटवार्ता सुरु गरेका छन् ।

सचिव पौडेलको निमन्त्रणमा नेपाल आएका उनी याक एन्ड यती होटेलमा नेपाल-भारत सचिवस्तरी बैठकमा सहभागी जनाउने कार्यक्रम रहेको छ ।

सीमा सबन्ध, वातावरण, पर्यटन, यातायात लगायत द्विपक्षीय चासोको बिषयमा छलफल गर्नेछन् । त्यसपछि पराराष्ट्र मन्त्रालयले उनको सम्मानमा आयोजना गरेको दिवाभोजमा सहभागी हुनेछन् ।

नेपाल बसाइका क्रममा उनले राष्ट्रपति विद्यादेवी भण्डारी, प्रधानमन्त्री पुष्पकमल दाहाल प्रचण्ड, परराष्ट्र मन्त्रीसहित राजनीतिक दलका प्रमुख, सरकारी उच्च अधिकारीलगायतसँग भेटघाट गर्ने कार्यक्रम रहेको छ ।

आजै विदेश सचिव क्वात्राले परराष्ट्र मन्त्री विमला राईसँग द्विपक्षीय भेटघाट गर्नेछन् । प्रधानमन्त्री पुष्पकमल दाहाल प्रचण्डसँगको भेटमा भने भारतीय प्रधानमन्त्री नरेन्द मोदीले पठाएको निमन्त्रणा पत्र हस्तान्तरण गर्नेछन् ।

सोमबार नै नेकपा एमालेका अध्यक्ष केपी शर्मा ओलीसँग भेट्ने कार्यक्रम तय भएको छ । उनी त्यसका लागि बालकोट जानेछन् ।

विदेश सचिव क्ववत्राले मंगलवार भने नेपाली कांग्रेसका सभापति शेरबहादुर देउबालाई भेटघाट गर्नेछन् । मंगलवार राष्ट्रपति विद्यादेवी भण्डारीलाई भेट गरेपछि उनी स्वदेश फर्कने कार्यक्रम छ ।