अखबार नेपाल ट्रेन्डिङ

काठमाडौं: आर्थिक वर्ष २०७९/०८०को दोस्रो त्रैमासिक (पुस मसान्त)सम्म डेढ दर्जन बीमा कम्पनीले साढे २ अर्ब नाफा गरेका छन् ।

दोस्रो त्रैमासिकसम्म सञ्चालनमा रहेकामध्ये ८ जीवन बीमा र ८ निर्जीवन बीमा कम्पनीले पुस मसान्तसम्म २ अर्ब ५४ करोड १८ लाख रुपैयाँ नाफा गरेका छन् ।

यतिबेला वित्तीय विवरण सार्वजनिक गर्ने डेढ दर्जन बीमा कम्पनीहरुमध्ये राष्ट्रिय बीमा कम्पनीले सबैभन्दा धेरै ३७ करोड ४१ लाख नाफा गरेको छ । राष्ट्रिय बीमा संस्थाले सबैभन्दा थोरै १ करोड २ लाख नाफा गरेको छ ।

हालसम्म वित्तीय विवरण सार्वजनिक गर्ने सबै बीमा कम्पनी नाफा गत वर्षको सोही अवधिको तुलनामा नाफा बढाउन सफल भएका छन् ।

२०७९/०८०को पुस मसान्तमा नेपाल लाइफ इन्स्योरेन्सले ४४ करोड १ लाख रुपैयाँ नाफा गरेको छ । त्यसैगरी सानिमा लाइफले ११ करोड ६१ लाख, गुराँस लाइफ इन्स्योरेन्सले १२ करोड ७५ लाख, आइएमई लाइफले ११ करोड ७६ लाख, नेशनल लाइफले २२ करोड ७३ लाख, लाइफ इन्स्योरेन्स कर्पोरेशनले ९ करोड ८७ लाख, प्राइम लाइफले १७ करोड ४७ लाख र राष्ट्रिय बीमा संस्थाले १ करोड २ लाख रुपैयाँ नाफा गरेका छन् ।

२०७९/०८०को पुस मसान्तमा करिब एक दर्जन बीमा कम्पनीले वित्तीय विवरण प्रकाशित गरेका छन् । जसमध्ये लुम्बिनी जनरल इन्स्योरेन्सले १० करोड ४ लाख, राष्ट्रिय बस्मा कम्पनीले ३७ करोड ४१ लाख, आएएमई जनरल इन्स्योरेन्सले १३ करोड ०९ लाख, अजोड इन्स्योरेन्सले ४ करोड ८८ लाख, हिमालयन एभरेष्ट इन्स्योरेन्सले ११ करोड २५ लाख, नेपाल इन्स्योरेन्सले १५ करोड ३२ लाख, प्रिमियम इन्स्योरेन्स कम्पनी (नेपाल)ले १५ करोड ६१ लाख र सिद्धार्थ इन्स्योरेन्सले १४ करोड ७३ लाख रुपैयाँ नाफा गरेको छ ।