अखबार नेपाल ट्रेन्डिङ

एजेन्सी: विश्व नम्बर एक तथा सर्बियन स्टार नोभाक जोकोभिकले लगातार दोस्रो बर्ष विम्बल्डन टेनिसको उपाधि जितेका छन् । लण्डनमा आईतबार भएको फाइनलमा रोजर फेडेररलाई ऐतिहासिक टाईब्रेकमा पराजित गर्दै जोकोभिक च्याम्पियन बनेका हुन् । निकै प्रतिस्पर्धात्मक बनेको खेलमा जोकोभिकले फेडेररलाई ७-६ (७-५), १-६, ७-६(७-४) र १३-१२ (७-३) को सेटमा पराजित गरे ।

उपाधि जित्न जोकोभिकले ४ घण्टा ५७ मिनेटको समय लगाए । यो विम्बल्डन इतिहासकै सर्वाधिक लामो फाइनल हो । योसंगै जोकोभिकले करियरको १६औं ग्राण्डस्लाम उपाधि जित्न सफल भएका छन् । जोकोभिक सर्वाधिक ग्राण्डस्लाम उपाधि जित्ने तेस्रो खेलाडी हुन् । फेडेररले २० र राफायल नाडालले १८ पटक ग्राण्डस्लाम उपाधि जितेका छन् । यस्तै जोकोभिकको यो पाँचौ विम्बल्डन उपाधि हो । महिलातर्फको उपाधि सिमोना हालेपले जितेकी छिन् ।