अखबार नेपाल ट्रेन्डिङ

काठमाडौ : नेकपा माओवादी (केन्द्र)का अध्यक्ष पुष्पकमल दाहाल प्रचण्डले सरकारी अस्थायी, करार र ज्यालादारी कर्मचारीलाई स्वत: स्थायी गर्नुपर्ने बताएका छन् ।

आज अखिल नेपाल सरकारी अस्थायी करार तथा ज्यालादारी कर्मचारी श्रमिक संघको चौथो राष्ट्रिय सम्मेलनलाई सम्बोधन गर्दै उनले संघले राखेका माग पूरा गराउनका लागि आफूले पहल गर्नुपर्ने बताएका हुन ।

अस्थायी, करार र ज्यालादारी कर्मचारीले आफूहरुलाई स्वतः स्थायी गरिनुपर्नेलगायतका माग पूरा गराउने विषयमा आफू प्रतिबद्ध रहेको प्रचण्डले बताए ।

श्रमिकको हकहित र सामाजिक न्याय तथा उनीहरुको आत्मसम्मानका लागि आफूहरुले धेरै संघर्ष र बलिदान गरेको भन्दै उनले सामाजिक न्याय र सुरक्षाका लागि आवश्यकताका आधारमा संविधानलाई परिमाजर्नन र विकसित गर्नुपर्ने प्रचण्डले बताए ।