अखबार नेपाल ट्रेन्डिङ

काठमाडौं: बीमा समितिले जारी गरेको तथ्यांक अनुसार पछिल्लो समय सम्पत्ति बीमा गर्नेहरुको संख्या बढेको देखिएको छ ।

गत बैशाख महिनाको तुलनामा जेठ महिनामा सम्पत्ति बीमा गर्नेहरुको संख्या २६ हजारभन्दा बढिले बढेको हो । तथ्यांक अनुसार बैशाखको तुलनामा जेठ महिनामा २६ हजार ८३७ अर्थात ६.७४ प्रतिशत बढिले सम्पत्ति बीमा गरेका हुन् ।

गत बैशाख महिनामा ३ लाख ९७ हजार ६६८ जनाले सम्पत्ति बीमा गरेका थिए । जेठ महिनामा आइपुग्दा उक्त संख्या बढेर ४ लाख २४ हजार ५०५ पुगेको छ ।

सम्पत्ति बीमा गर्नेहरुको संख्या बढेसँगै सम्पत्ति वापत गरिने बीमा शुल्क रकम पनि बढेको छ । बैशाख महिनाको तुलनामा जेठमा महिनामा सम्पत्ति वापत गरिने बीमा शुल्क रकम ९ करोड ७ लाख रुपैयाँ अर्थात १८.२६ प्रतिशतले बढेको हो ।

समितिका अनुसार बैशाख महिनामा निर्जीवन बीमा कम्पनीहरुले सम्पत्ति बीमाबाट ५८ करोड ७२ लाख रुपैयाँ बीमा शुल्क आर्जन गरेका छन् । गत बैशाख महिनामा बीमा कम्पनीहरुले सम्पत्ति बीमाबाट ४९ करोड ६५ लाख रुपैयाँ बीमाशुल्क आर्जन गरेका थिए ।

सात प्रदेशमा कति बीमा शुल्क आर्जन भयो ?

चालु आवको जेठ महिनामा निर्जीवन बीमा कम्पनीहरुले सम्पत्ति वापत गरिने बीमाबाट प्रदेश नम्बर १ मा ७ करोड ५५ लाख रुपैयाँ बीमा शुल्क आर्जन गरेका छन् ।

अघिल्लो महिनाको तुलनामा यो बीमा शुल्क १२.७१ प्रतिशतले कम हो । गत बैशाख महिनामा निर्जीवन बीमा कम्पनीहरुले सम्पत्ति बीमाबाट ८ करोड ६५ लाख रुपैयाँ बीमा शुल्क आर्जन गरेका थिए ।

मधेश प्रदेशमा बीमा कम्पनीहरुले सम्पत्ति वापत गरिने बीमाबाट ४ करोड ३१ लाख रुपैयाँ बीमा शुल्क आर्जन गरेका छन् । गत बैशाख महिनामा उक्त प्रदेशबाट ४ करोड ६५ लाख रुपैयाँ बीमा शुल्क रकम संकलन भएको थियो । अघिल्लो महिनाको तुलनामा उक्त बीमा शुल्क रकम ७.७० प्रतिशतले कम हो ।

त्यसैगरी, निर्जीवन बीमा कम्पनीहरुले बागमती प्रदेशमा सम्पत्ति बीमाबाट ३६ करोड ३३ लाख रुपैयाँ बीमा शुल्क आर्जन गरेका छन् । अघिल्लो महिनाको तुलनामा ३६.३२ प्रतिशत अर्थात ९ करोड ६८ लाख रुपैयाँले बीमा शुल्क बढेको छ । गत बैशाख महिनामा बीमा कम्पनीहरुले उक्त प्रदेशमा सम्पत्ति बीमाबाट २६ करोड ६५ लाख रुपैयाँ बीमा शुल्क आर्जन गरेको तथ्यांकमा उल्लेख छ ।

गण्डकी प्रदेशबाट निर्जीवन बीमा कम्पनीहरुले सम्पत्ति बीमाबाट २ करोड १२ लाख रुपैयाँ बीमा शुल्क आर्जन गरेको देखिन्छ । अघिल्लो महिनाको तुलनामा उक्त बीमा शुल्क ९.०१ प्रतिशतले कम हो । गत बैशाख महिनामा कम्पनीहरुले सम्पत्ति बीमाबाट बीमाबाट २ करोड ३३ लाख रुपैयाँ बीमा शुल्क आर्जन गरेका थिए ।

लुम्बिनी प्रदेशमा बीमा कम्पनीहरुले सम्पत्ति बीमाबाट ६ करोड ५४ लाख रुपैयाँ बीमा शुल्क आर्जन गरेका छन् । उक्त बीमा शुल्क अघिल्लो महिनाको तुलनामा ०.३० प्रतिशत अर्थात २ लाख रुपैयाँले कम हो । गत बैशाखमा कम्पनीहरुले महिनामा ६ करोड ५६ लाख रुपैयाँ बीमा शुल्क आर्जन गरेका थिए ।

कर्णाली प्रदेशमा कम्पनीहरुले सम्पत्ति बीमाबाट सबैभन्दा कम ३९ लाख रुपैयाँ बीमा शुल्क आर्जन गरेका छन् । गत बैशाख महिनामा कम्पनीहरुले ४१ लाख रुपैयाँ बीमा शुल्क अर्जान गरेका थिए । अघिल्लो महिनाको तुलनामा उक्त रकम ४.८७ प्रतिशत अर्थात २ लाख रुपैयाँले कम हो ।

सुदुरपश्चिम प्रदेशबाट निर्जीवन बीमा कम्पनीहरुले सम्पत्ति बीमाबाट १ करोड ४५ लाख रुपैयाँ बीमा शुल्क आर्जन गरेका छन् । गत बैशाख महिनामा कम्पनीहरुले १ करोड ३५ लाख रुपैयाँ बीमा शुल्क आर्जन गरेका छन् । अघिल्लो महिनाको तुलनामा उक्त बीमा शुल्क रकम ७.४० प्रतिशत अर्थात १० लाख रुपैयाँले बढि हो ।