अखबार नेपाल ट्रेन्डिङ

काठमाडौं: नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’लाई जुत्ता हान्छु भनेर सामाजिक सञ्जालमा लेख्ने एक पत्रकार प्रहरी खोरमा परेका छन् ।

‘मेरी छोरीले चुनाव हारे देश दुर्घटनामा जान्छ भन्ने प्रचण्ड दाङ आए जुत्ता म हान्छु’ भन्दै सामाजिक सञ्जालमा लेखेका उनलाई आज प्रहरीले नियन्त्रणमा लिएको हो ।

यसरी पक्राउ पर्ने पत्रकार हुन दाङको तुलसीपुर उपमहानगरपालिका ३ बस्ने ५२ वर्षीय यज्ञबहादुर बुढा ।

पत्रकार बुढालाई जिल्ला प्रहरी कार्यालयको समन्वयमा इलाका प्रहरी कार्यालय तुलसीपुरबाट खटिएको टोलीले नियन्त्रणमा लिएको हो ।

उनीमाथि विद्युतीय कारोबार ऐनअनुसार कारबाही हुने प्रहरीले बताएको छ ।

यसअघि पनि उनलाई यौन हिंसा पीडित राउटे युवतीको पहिचानसहितको तस्बिर र भिडियो आफ्नो युट्युब च्यानल र अनलाइनबाट सार्वजनिक गरेपछि प्रहरीले पक्राउ गरेको थियो ।