नेपालले टि-२० अभ्यास खेल अन्तर्गत आज जिम्बावे ‘ए’ सँग खेल्दै
वि.सं.२०७९ वैशाख १९ सोमवार ०८:४२
2.6K
shares
काठमाडौं: नेपालले जिम्बावे ‘ए’ सँग टि-२० अभ्यास खेल अन्तर्गत आज दोस्रो खेल खेल्दैछ । टियु क्रिकेट मैदानमा हुने नेपाल र जिम्बावे ‘ए’ बीचको खेल दिउँसो १ बजे सुरु हुनेछ ।
नेपाल जितका साथ तीन खेलको सिरिज १–१ को बराबरी गर्ने सोचमा हुनेछ । जिम्बावे लगातार दुई खेलका साथ एक खेल अगावै सिरिज जित्ने सोचमा हुनेछ ।
आज नेपाल जिम्बावेविरुद्ध पहिलो खेलमा व्यहोरेको हारको बदला लिन चाहन्छ । आइतबार भएको पहिलो खेलमा जिम्बावेसँग नेपाल ६ विकेटले पराजित भएको थियो ।
जिम्बावे भने नेपालविरुद्ध लगातार दोस्रो जित निकाल्न चाहन्छ । र, जिम्बावे सिरिज आफ्नो बनाउन चाहन्छ ।
नेपालका लागि पहिलो खेलमा खराब बलिङ गर्ने क्रममा सन्दीपले ४ ओभरमा ५० रन र अभिनाश बोहराले २ ओभरमा ३० रन खर्चेका थिए ।
नेपालले आज अभिनाशको स्थानमा किशोर महतोलाई मौका दिनसक्छ । आरिफ शेखको स्थानमा विवेक यादवलाई खेलाउन सक्छ । ओपनर आसिफ शेख रन बनाउन संघर्ष गरेका छन् ।
कुशल भुर्तेल, दीपेन्द्रसिंह ऐरी र रोहित पौडेलले राम्रो प्रदर्शन गर्दै आएका छन् । यी ब्याटरलाई ठूलो इनिङमा बदल्न आवश्यक देखिन्छ । अभ्यास खेल हुँदा बिना दबाबमा खेल्न आवश्यक देखिन्छ ।
आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपालले जिम्बावे ‘ए’ सँग सिरिज खेलिरहेको हो ।
वि.सं.२०७९ वैशाख १९ सोमवार ०८:४२



















