अखबार नेपाल ट्रेन्डिङ

संखुवासभा: संखुवासभाको मादी नगरपालिका-६ मा बिहीबार बा ४ ख ७३५ नम्बरको बस दुर्घटनामा परि ज्यान गुमाउनेको संख्या १४ पुगेको छ ।

जिल्ला प्रहरी कार्यालय संखुवासभाका डिएसपी लालध्वज सुवेदीका अनुसार दुर्घटनामा ज्यान गुमाउनेको संख्या १४ पुगेको छ भने पाँच जना घाइते भएका छन् ।

बस सडकबाट करिब साढे ३ सय मिटर तल खसेको छ । दमकतर्फ जाँदै गरेको बा ४ ख ७३५ नम्बरको बस आज बिहान करिव साढे सात बजे दुर्घटना भएको थियो ।

दुर्घटनामा परेका तीन जनाको जीवितै उद्धार गरिएको प्रहरीले जनाएको छ । दुर्घटनामा ज्यान गुमाएकाहरुको पहिचान खुल्न सकेको छैन ।