अखबार नेपाल ट्रेन्डिङ

काठमाडौं: सहिद स्मारक ‘ए’ डिभिजन लिग फुटबलमा आजबाट १२औं चरणको खेलहरु त्रिपुरेश्वरस्थित दशरथ रंगशालामा सुरु हुँदैछ ।

आज हुने पहिलो खेलमा फ्रेन्ड्स क्लब र च्यासल युथ क्लबबीच प्रतिस्पर्धा हुनेछ । यी दुई बीचको खेल दिउँसो १ बजे सुरु हुनेछ ।

फ्रेन्ड्स र च्यासलका लागि यस खेल महत्वपूर्ण छ । दुबै टोलीलाई रेलिगेसनबाट जोगिन यो खेल जित्नैपर्ने दबाब छ ।

फ्रेन्ड्स ११ खेलमा ७ अंक जोडेर १२ औं स्थानमा रहेको छ ।

च्यासल ६ अंक जोडेर पुछारमा रहेको छ ।

यस्तै दोस्रो खेलमा च्याम्पियन बनिसकेको मछिन्द्र फुटबल क्लब र थ्री स्टार क्लबबीच प्रतिस्पर्धा हुनेछ । यी दुईबीचको खेल ४:४५ बजे सुरु हुनेछ ।

मछिन्द्र ११ खेलमा २९ अंक जोडेर शीर्ष स्थानमा रहेको छ ।

थ्री स्टारलाई हराएर मछिन्द्र अपराजित यात्रा कायम राख्न चाहन्छ ।

थ्री स्टार १८ अंक जोडेर चौंथो स्थानमा रहेको छ ।

थ्री स्टार मछिन्द्रलाई हराएर शीर्ष दुईमा उक्लन चाहन्छ ।