अखबार नेपाल ट्रेन्डिङ

काठमाडौं: पूर्वराजा ज्ञानेन्द्र शाहले  नेपाली राजनीतिक दलको भूमिकाप्रति चित्त दुखाउदै कटाक्ष गरेका गरेका छन् ।

शाहलेआज एक विज्ञप्ती जारी गर्दै राजनीतिक दलहरुको भूमिकाप्रति कटाक्ष गरेका हुन  ।

शाहले राजनीतिक दलहरुप्रति कटाक्ष गर्दै राष्ट्रियता विनाको प्रजातन्त्र आकाशको महल जस्तै हुने टिप्पणी गरेका छन् ।

पूर्वराजा शाहले शुक्रबार ७२औं राष्ट्रिय प्रजातन्त्र दिवसको अवसरमा शुभकामना सन्देश जारी गर्दै हालको लोकतान्त्रिक व्यवस्था र राजनीतिक दलहरूको भूमिकाप्रति असन्तुष्टि जनाउदै यस्तो कटाक्ष गरेका हुन  ।

शाहले भनेका छन्-  “जनताद्वार जनहितका निम्ति प्रतिनिधित्वका आधारमा हुने शासकीय सूप्रबन्ध नै सहि प्रजातान्त्रिक प्रणाली हो । राष्ट्रियता विनाको प्रजातन्त्र, आकाशमा महल बनाएको जस्तो हुन्छ ।”

त्यस्तै उनले प्रजातन्त्रका नाममा पछिल्ला दशकमा भइरहेको अभ्यासले एकतामा संकट आएको दावी गर्दै नेतृत्व र प्रणालीमाथि नै प्रश्न उठाएका छन् ।

शाहले राष्ट्र र राष्ट्रियतासहितको प्रजातन्त्रका लागि राजा सधै रहँदै आएको र रहिरहने बताएका छन् ।